Who be di ‘terrorists’ wey Turkey wan from Sweden and Finland? – BBC News Pidgin

President Recep Tayyip Erdogan say Sweden don promise to extradite 73 “terrorists” and don already send three or four of dem.

Pro-goment Turkish daily Hurriyet publish one list of 45 pipo, including 33 wey dem sought from Sweden and 12 from Finland.

Turkey dey particularly serious on di handover of individuals wey dem consider say get linke to di Kurdistan Workers Party (PKK), wey di EU, US and UK consider as terror group.

Dis na also afta followers of exiled Turkish cleric Fethullah Gulen. Gulenists dey blamed by Turkey for one failed coup against President Erdogan for 2016.

BBC don speak to three of di pipo sought by Turkey.

For years, e be di editor-in-chief of Today Zaman, one major English-language daily for Turkey, before dey close am down for 2016. Now, e dey live in exile for Stockholm.

 Turkish authorities accuse am say e dey part of di Gulen movement, or wetin dem call di Fethullah Terrorist Organisation (Feto).

 E dey known for dia network of schools and e no dey considered terror group for di EU, UK or US.

 Mr Kenes tok say e become a target because of im outspoken criticism of President Erdogan and face accusations of plotting to overthrow di goment:

 “All di allegations dey fabricated. I be independent journalist with no affiliations with any organisation.”

 Dem give am suspended jail term for 2015 for “insulting di president”, for one tweet wey tok say Mr Erdogan late mother go dey ashamed of am.

 Insulting President Erdogan remain one common charge today, with 17 journalists and cartoonists wey dem don put on trial for di first three months of 2022, according to independent Turkish organisation Bianet.

Bulent Kenes believe say e don become bargaining chip between Mr Erdogan and Sweden for Nato negotiations.

 E dey dey fear say dem fit extradite am, because dis go be “betrayal of Sweden own values” of democracy and protecting dissidents.

 “Dis no be test for di Erdogan regime… dis na test for di Swedish authorities,” e tok.

Odas on Turkey list no too dey well-known like dat. Fatih, na Finnish Kurd, wey be part of one group of five young men wey set fire for di door of di Turkish embassy for 2008.

 Now e be 37-year-old business owner and entrepreneur, e tell BBC say e regret wetin e do:

 “At dat time, my life dey messed up, I get many kinds of problems.”

 E dey surprise to find im name for di list as e finish serving one 14 month suspended sentence long ago – and e don pay damages to di embassy.

Finnish authorities grant am citizenship few years ago and consider di embassy case closed, e tok.

Turkey accuses am say e be member of di militant PKK, wey dey call for greater Kurdish self-governance and dey involve for one armed struggle with di Turkish state.

 Fatih say e no get any ties or ideological connections to di PKK, and believe e dey targeted purely because of im Kurdish background.

 Kurds make up 15-20% of Turkey population but dem don dey faced persecution for Turkey for generations.

Di goment for Ankara dey try to ban di pro-Kurdish HDP party, di third biggest in parliament.

While Fatih no believe say dem go fit extradite am because e be Finnish citizen, e dey fear harassment from di local Turkish community or possible arrest abroad base on request from Turkey.

 E say e dey very sad say Finland gatz to “fight for am”.

Aysen Furhoff come Sweden afta e don serve five years of one life sentence for Turkey for trying to “subvert di constitutional order” wen she be 17 years old and be member of di Turkish Communist Party.

She tok say dem offer her protection for Sweden afta she receive torture inside jail.

Now she be 45 years old, she dey live for Stockholm with her husband and daughter and works as a teacher, and insists say she no longer dey involve for Turkish politics.

 “I leave Turkey 20 years ago. If dem send me there, dey no go get any use for me. Everybody wey I know don either die or dey for prison. Dat na why I dey surprise say I dey di list – who am I to dem?”

Ms Furhoff say dem dey also prosecute her for Turkey for ontop say she be PKK member.

She admit say she bin collaborate with dem for three months 25 years ago.

While she no longer dey sympathise with di PKK, she deny say dem be terror group and believe say dem suppose to be part of discussions for peace tok-tok inside Turkey.

Legal requirement for Sweden and Finland dey make am very hard for Turkey to extradite di kind of numbers dem want:

According to Swedish newspaper Dagens Nyheter, of di 33 Swedish names wey dem list for Turkish media, 19 don already dey rejected for extradition by Stockholm Supreme Court.